Umushoferi, Umukiriya w’ubudahemuka, Umukoresha wa Shell App

Iri Tangazo ry’Ibanga ritanga amakuru yerekeye uburyo amakuru yawe bwite atunganywa igihe ukoresha serivisi cyangwa uguze ibicuruzwa bivuye muri kompanyi cyangwa ku izina rya kompanyi ziri mu itsinda rya Shell (‘Shell’ cyangwa ‘twebwe’), haba mu buryo bukurikira:

(i) nk’umukiriya wa lisansi, ingufu cyangwa wa serivisi za e-mobility;

(ii) nk’umunyamuryango wa gahunda y’ubudahemuka bwa Shell nka Club Smart, Shell Go+, gahunda ya SHARE cyangwa iyindi ijya gusa na yo mu gace utuyemo (‘Gahunda y’Ubudahemuka ya Shell’);

(iii) nk’umusuye urubuga rwa Shell (‘Urubuga’ cyangwa ‘Urubuga rwa Shell’); kandi/ cyangwa

(iv) nk’umukoresha Porogaramu ya Shell cyangwa izindi porogaramu za Shell (‘Porogaramu ya Shell’).

Uretse iri Tangazo ry’Ibanga, hari andi matangazo yihariye yerekeye uburenganzira bw’ibanga hamwe n’amategeko yunganira ashobora kuba arimo amakuru y’uko Shell itunganya amakuru yawe bwite. Ibi bishobora kuba birimo, urugero, igihe uri umukiriya wa serivisi z’ingufu cyangwa e-mobility. Ibyo matangazo yihariye y’ibanga azatumenyeshwa ukundi.

Iri Tangazo ry’Ibanga risobanura amakuru yawe bwite atunganywa; impamvu tubitunganya ndetse n’intego yabyo; igihe tubibika; uburyo bwo kubigeraho no kubihindura, kimwe n’amahitamo ufite ku makuru yawe bwite ndetse n’aho ushobora kwiyambaza ibindi bisobanuro.

Niba uri munsi y’imyaka 16 (cyangwa indi myaka bitewe n’ibisabwa n’amategeko mu gace utuyemo nk’uko byatangajwe ku rubuga rwa Shell) turagusaba kutatwoherereza amakuru yawe bwite, urugero nk’izina ryawe, aderesi cyangwa aderesi ya email. Niba ushaka kuvugana na Shell mu buryo busaba gutanga amakuru yawe bwite (nko mu bikorwa by’uburezi cyangwa udushya), turagusaba kwiyambaza umubyeyi cyangwa umwishingizi wawe kugira ngo babikore mu izina ryawe.

Dukusanya amakuru, harimo amakuru yihariye akwerekeye, nk’umukiriya wa Shell, umukoreshwa wa Porogaramu za Shell, kandi/ cyangwa umusuye urubuga rwa Shell cyangwa urubuga rwa Shell ruyoborwa ku mbuga nkoranyambaga (‘Urubuga rwa Shell ku Mbuga Nkoranyambaga’). Ayo makuru ashobora kuba:

• Amakuru utanga ku bushake - iyo wiyandikishije muri konti ya Shell, turagusaba izina ryawe, aderesi ya email, n’igitsina (ku buryo dushobora kukubwira neza, ariko ntugomba kuduha aya makuru), ibyifuzo byawe by’itumanaho hamwe n’amakuru akenewe yo gusubiza ibibazo by’umutekano. Niba uhisemo kuba umunyamuryango muri Gahunda y’Ubudahemuka ya Shell, umukoreshwa wa Porogaramu za Shell, serivisi za Shell Drive cyangwa kwishyura hifashishijwe telefoni, dushobora kugusaba gutanga andi makuru yihariye akenewe mu itangwa ry’izo serivisi kandi/ cyangwa kwemeza umwirondoro wawe nka gahunda y’ikinyabiziga, uko ugenda, itariki y’amavuko (niba yakusanyijwe), ibyifuzo by’itumanaho, n’umubare wa telefoni.
• Amakuru tubona binyuze ku ikoreshwa rya serivisi za Shell - tunakusanya amakuru y’uko n’aho ukoresha cyangwa ugura serivisi n’ibicuruzwa bya Shell. Ayo makuru ashobora kubamo amakuru y’igikoresho cyawe cya elegitoroniki, IP address, amakuru y’amakosa, ubwoko bwa porogaramu y’ikoranabuhanga n’ibyifuzo byawe, amakuru y’aho uherereye, ibiranga kuri internet bifasha ‘cookies’ n’ubundi bukorikori nk’ubwo. Amakuru y’amateka yo kugura ibicuruzwa byawe arimo amakuru yerekeye (i) ibicuruzwa runaka waguze, (ii) ingano y’amafaranga wakoreshaga mu igura, (iii) igihe n’aho ugurira ibyo ugura, ndetse (iv) uburyo bwo kwishyura ukoresha, harimo n’uburyo bwo kwishyura muri Porogaramu za Shell (nk’uburyo bwo kwishyura hifashishijwe telefoni).
• Niba uri umunyamuryango wa Gahunda y’Ubudahemuka ya Shell - dukusanya amakuru yerekeye uruhare rwawe muri iyi gahunda; ibi birimo amakuru ajyanye na (i) ubwoko n’ibisobanuro by’igihembo wahisemo, (ii) ibihembo wahisemo, (iii) umubare w’amanota wakoresheje, (iv) kenshi n’igihe wakoreshaga amanota yawe, ndetse (v) uburyo bwo kohereza igihembo cyawe (niba gihari). Niba ukoresha Shell Drive, dukusanya ingendo zawe zose zakozwe, harimo aho ikinyabiziga kiri, umuvuduko n’ukuntu wikoresha imodoka, tukagereranya n’abandi bakoresha (niba wemeye gutanga amakuru nk’aho uri).
• Amakuru ava mu nkomoko zindi zo hanze - kugira ngo tumenye amakuru mashya akwerekeye bityo tukuboneho ibicuruzwa byiza kandi serivisi zirushaho kukugenerwa, tuzashyira hamwe amakuru tumaze kumenya kuri wowe hamwe n’andi makuru ari ku karubanda cyangwa ava ku bandi bemerewe kuyatanga (nka Experian cyangwa Acxiom). Ibi birimo amakuru yerekeye imyitwarire yawe yo kugura hamwe n’ibicuruzwa cyangwa serivisi waba ukoresha, nko kumenya umubare w’imodoka ziri mu rugo rwawe cyangwa ubwoko bw’imodoka waba ukunda.
• Amakuru akusanyijwe ku mbuga nkoranyambaga - Iyo tuvuganye binyuze ku rubuga rwa Shell ku mbuga nkoranyambaga (urugero, igihe usubiza cyangwa uhaye igitekerezo cyangwa ugakora ku butumwa runaka, ugashyiraho ibikoresho, ugatwoherereza ubutumwa bwihariye cyangwa ukiyandikisha ku rubuga rwa Shell ku mbuga nkoranyambaga), dushobora kwakira amakuru yawe bwite nk’izina ukoresha, ifoto y’umwirondoro, aho utuye, aderesi ya email n’igitsina. Tuzakoresha amakuru yose yihariye twabonye binyuze ku mbuga nkoranyambaga dukurikije iri Tangazo ry’Ibanga.

Amakuru yihariye akubiye muri iri Tangazo ry’Ibanga atunganywa gusa mu gihe:

• wemeye by’umwihariko;
• bikenewe kugira ngo tugere ku bwumvikane mu bucuruzi (nko gukusanya amakuru y’uburyo bwo kwishyura);
• bikenewe mu nyungu zemewe z’ikompanyi ya Shell irebwa, uretse igihe izo nyungu zitubahirijwe n’inyungu zawe cyangwa uburenganzira bwawe shingiro n’ubwisanzure bwawe;
• cyangwa bikenewe kugira ngo Shell igere ku byo amategeko asaba.

Iyo gutunganya amakuru bishingiye ku bushake bwawe, ufite uburenganzira bwo gukuraho uburenganzira ubwo ari bwo bwose igihe cyose. Ibi ntibizagira ingaruka ku bubasha bwabayeho mbere y’uko uburenganzira bukurwaho.

Dutunganya amakuru yawe bwite ku mpamvu z’ibi bikurikira:gutanga ibicuruzwa byacu no kuguha serivisi zacu;

• gucunga umubano no gukora ibikorwa by’ubucuruzi nka kuguma mu mishyikirano nawe no kubimenyekanisha;
• gucunga konti harimo no kugenzura konti (ni ukuvuga kwemeza ko ari wowe cyangwa undi wemereye ufite uburenganzira bwo kugera kuri konti yawe no ku makuru);
• serivisi z’abakiriya no guteza imbere ibicuruzwa na serivisi byacu;
• gukora ubushakashatsi ku isoko no gukora inyigo ku bikorwa byo kwamamaza;
• gahunda z’izamura n’amarushanwa atangwa ku bakiriya ba Shell, harimo no kuguha ibihembo bya elegitoroniki kugira ngo uguhe agaciro nk’umukiriya dufata neza; cyangwa
• kuburizamo cyangwa gukumira ubujura niba ukoresha uburyo bwo kwishyura hifashishijwe telefoni mu kugura ibicuruzwa bya Shell (niba bigenzurwa mu isoko ryawe).
• Dushobora kandi gutunganya amakuru yawe bwite ku mpamvu y’inyongera, cyane cyane iyo ifitanye isano n’imirimo nk’iyi ikurikira:
• kubika, gusiba cyangwa gutunganya amakuru yawe mu buryo butazwi; igenzura ry’ibitabo by’ibaruramari, iperereza, gukemura impaka cyangwa inyungu z’ubwishingizi, imanza cyangwa kwirwanaho ku byifuzo;
• ubushakashatsi bw’iby’ubukungu, amateka cyangwa ubushakashatsi bw’ubumenyi; cyangwa
• kubahiriza amategeko n’itegeko ry’umutwe w’abagenzuzi.

Turagerageza gukomeza amakuru yacu ku buryo nyabwo uko bishoboka kose. Ushobora gusaba ibi bikurikira:

• kubona amakuru yawe bwite;
• gukosora cyangwa gusiba amakuru yawe bwite (ariko gusa igihe atagikeneyewe ku mpamvu z’ubucuruzi zemewe n’amategeko nk’igihe cyo kurangiza igikorwa cyo kugura);
• kutongera guhabwa ubutumwa bw’ubucuruzi;
• ko gutunganya amakuru yawe bwite bihagarikwa;
• ko gukusanya amakuru yawe bwite mu nkomoko zitandukanye ngo haremwe umwirondoro wihariye biza bihagarikwa; kandi/ cyangwa
• ko ubona amakuru yawe bwite waba warahaye Shell mu buryo butondekanye, bwa elegitoroniki ngo bityo bibe byatangwa ku wundi muntu, niba bishoboka mu buryo bw’ikoranabuhanga.

Kugira ngo usabe ibyo, nyamuneka jya kuri konti yawe ya Shell cyangwa utwandikire [hakurikijwe amakuru y’itumanaho mu itangazo ry’uburenganzira bw’ibanga ryihariye mu gihugu cyawe, cyangwa] kuri SITI-MLM-SITI-MLM-Support@shell.comkuri iki kibazo.

Shell ikoresha cookies n’ikoranabuhanga rimeze nka byo bikusanya kandi bikabika amakuru igihe usuye Urubuga rwa Shell cyangwa ukoresha Porogaramu ya Shell. Ibi bifasha Shell kumenya umukoreshwa wa interineti yawe no gukusanya amakuru ku buryo ukoresha urubuga rwacu, urupapuro usura, igihe umaza usura ndetse no kubimenya igihe ugarutse, kugira ngo turusheho kunoza uburyo ubona urubuga rwacu igihe urusura. Ushobora kugenzura no guhindura ibyo wahisemo kuri cookies ukoresheje uko wateguye porogaramu yawe y’ubusura imbuga cyangwa ukoresheje igikoresho cya Shell cyo kugena uburyo bwo gukoresha cookies ku Mbuga za Shell – kugira ngo ubone amakuru y’inyongera, nyamuneka reba Shell Cookie Policy kuri https://www.shell.rw/cookie-policy.html.

Amakuru yawe bwite atunganywa by’umwihariko ku mpamvu zavuzwe haruguru kandi azasangizwa gusa ku bantu cyangwa ibigo bikenewe gusa kumenya iyo ari ngombwa:

• Izindi kompanyi ziri mu itsinda rya kompanyi za Shell, harimo n’izo zishobora kuba ziri hanze y’igihugu utuyemo;
• Niba wemeye, kompanyi za gatatu zemerewe gukorana na Shell zishobora gutanga ibicuruzwa na/ cyangwa serivisi ku bakoreshwa ba Porogaramu za Shell n’abanyamuryango ba Gahunda y’Ubudahemuka ya Shell;
• Abatanga serivisi bemerewe bari mu bikorwa byo kwishyura hifashishijwe telefoni (nka PayPal, Apple Wallet cyangwa Android Pay);
• Abakozi bemerewe, abafite uruhushya rwo gukora, abatanga serivisi, abagenzuzi bo hanze na/ cyangwa abakorana na Shell ku masezerano y’akazi;
• Urwego rubifitiye ububasha, leta, ikigo kigenzura, kigenzura ibikorwa cyangwa urwego rushinzwe gukurikirana ibijyanye n’imisoro, igihe bibaye ngombwa kubahiriza umwanzuro w’amategeko cyangwa amabwiriza asaba kompanyi ya Shell kubikora cyangwa nk’uko amategeko abiteganya; cyangwa
• Uwo ari we wese Shell iteganya ko yamuhereza uburenganzira bwayo na/ cyangwa inshingano zayo.

Iyo amakuru yawe bwite yoherejwe ku makompanyi ari mu itsinda rya Shell na/ cyangwa ku batanga serivisi ba gatatu bemerewe bari hanze y’igihugu cyawe, dushyiraho ingamba mu mitegurire, mu masezerano no mu mategeko kugira ngo amakuru yawe bwite atunganyirizwe gusa ku mpamvu zavuzwe haruguru kandi urwego ruhagije rwo kubungabunga amakuru yawe rwubahirizwe. Izi ngamba zirimo Amabwiriza ahuriweho n’amakompayi ya Shell mu bijyanye no kohereza amakuru hagati y’amakomanyi ya Shell hamwe n’amakomanyi ya Shell ari mu Muryango w’Ubumwe bw’u Burayi, uburyo bwo kohereza amakuru bwemejwe na Komisiyo y’u Burayi ku bijyanye no kohereza amakuru ku bandi bantu ba gatatu, ndetse n’ibisabwa n’amategeko y’igihugu byiyongeraho. Ushobora kubona kopi y’Amabwiriza ahuriweho n’amakomanyi ya Shell kuri https://www.shell.rw/privacy.html cyangwa utwandikire kuri privacy-office-SI@shell.com.

Amakuru bwite atunganywa na Shell hakurikijwe iri Tangazo ry’Ibanga azasibwa cyangwa agashyirwa mu buryo butazongera kugaragaza uwo ari we (ku buryo utazongera kumenyekana);

(1) buri myaka 5 igihe ugikomeje kuba umukiriya muri icyo gihe;

(2) nta gutinza igihe usabye ko konti yawe ya Shell isibwa cyangwa guhagarika uruhare rwawe muri Gahunda y’Ubudahemuka ya Shell; cyangwa

(3) nyuma y’imyaka 3 kuri serivisi zose wari wiyandikishijemo kuva ku nshuro ya nyuma twavuganye nawe (ari ukuvuga igihe utakoze kuri serivisi zacu mu myaka 3).

Ku bijyanye n’ibikorwa by’imari (harimo n’ibyakozwe binyuze muri Porogaramu ya Shell), amakuru yawe bwite azabikwa imyaka 10 uhereye igihe icyo gikorwa cyabereye.

Mu buryo bwose, amakuru ashobora kubikwa (a) igihe kirekire igihe habaye impamvu y’amategeko cyangwa amabwiriza ibikenewe (maze agasibwa igihe atakenewe ku mpamvu z’amategeko cyangwa amabwiriza) cyangwa (b) igihe gito igihe umuntu atishimiye uburyo amakuru ye bwite atunganywa kandi nta mpamvu yemewe y’ubucuruzi ikiriho yo kuyabika.

Iri Tangazo ry’Ibanga rishobora guhinduka igihe cyose. Uragirwa inama yo kujya ureba buri gihe iri Tangazo ry’Ibanga kugira ngo umenye impinduka zishobora kuba zarakozwe. Iri Tangazo ry’Ibanga riheruka kuvugururwa muri Kanama 2019.